ស្វាយរៀង៖ នាយករដ្ឋមន្រ្តីកម្ពុជា សម្ដេចតេជោ ហ៊ុន សែន បានរំលឹកពីប្រវត្តិរបស់កម្ពុជាជាពិសេសក្នុងពេលដែលអ៊ុនតាក់បានគ្រប់គ្រងដែលបានបន្សល់ទុកនូវ ជំងឺអេដស៍មកដល់បច្ចុប្បន្ន។
ថ្លែងក្នុងពេលជួបជាមួយនឹងកម្មករជាង ២ម៉ឺននាក់នៅតំបន់សេដ្ឋកិច្ចពិសេសខេត្តស្វាយរៀង ព្រឹកថ្ងៃទី២៥ ខែមិថុនា ឆ្នាំ២០២៣ ជាមួយនឹងការបារម្ភនៃការរីករាលដៅនៃជំងឺអេដឡើងវិញ សម្ដេចតេជោ ហ៊ុន សែន បានលើកឡើងថា ជំងឺអេដស៍ដំបូងត្រូវបាននាំមកកាន់កម្ពុជាតាមរយៈ អាជ្ញាធរអន្តរកាលសហប្រជាជាតិនៅកម្ពុជា ហៅកាត់ថា អ៊ុនតាក់ ដែលនេះជាស្នាដៃដែលអ៊ុនតាក់បានបន្សល់នៅកម្ពុជាមកដល់បច្ចុប្បន្ន។
សម្ដេចក៏បានថ្លែងនៅក្នុងកម្មវិធីនេះផងដែរថាការចំណាយលុយរបស់អ៊ុនតាក់មិនអាចនាំមកសន្តិភាពឲ្យកម្ពុជាគឺមិនទាន់បាន ១០០% នោះទេ លុះត្រាតែសម្ដេចបានដាក់ចេញនូវគោលនយោបាយឈ្នះ-ឈ្នះ ក្នុងឆ្នាំ១៩៩៦ ទើបអាចរំលាយចលនារបស់ខ្មែរក្រហមបានទាំងស្រុងនៅឆ្នាំ១៩៩៨៕